Ĉapitro 10-a: Malsamoj inter versioj

Kiel registrite je 22:53, 31 Dec. 2019

10.1 Resumo pri REKTA ka NEREKTA PAROLO [Verkita de Kris Kezer]

Rekta parolo:

Rekta parolo estas senŝanĝa citaĵo, kiu ne havas frazenkondukilon.
Ĝi ofte aperas inter citiloj kaj post dupunkto.
Hieraŭ Majstro Yoda [Joda] diris al Anakin : "Memoru ke la Forto estu en vi!"

Nerekta parolo:

Nerekta parolo estas ripeto de la origina frazo kun la origina verboformo de la rekta parolo.
Ĉar ĝi rerakontas ies diron, penson, opinion, decidon, demandon, rimarkon k.s., ĝi estas subfrazo, kiu havas frazenkondukilon.

Nerekta parolo rolas aŭ aperas kiel :

LEGU ĈI TION NUR SE VI SPERTAS PRI GRAMATIKAJ TERMINOJ

1/objekto de verbo kiel diri, krii, pensi, scii, decidi, skribi, kompreni, rimarki, vidi, demandi, voli, aŭdi k.t.p.
2/priskribo de vorto kiel penso, decido, demando, timo ktp
3/subjekto de verbo ŝajni, esti evidente, esti klare, esti (ne)eble, esti verŝajne k.s.

Tio kelkfoje necesigas ŝanĝon de :

- personaj kaj posedaj pronomoj por pluhavi saman sencon.
- tempaj vortoj, kiel hodiaŭ, hieraŭ, antaŭhieraŭ, morgaŭ kaj postmorgaŭ.
- lokaj vortoj, kiel (ĉi-)tie, ene,...

Majstro Yoda [Joda] diris al Anakin, ke la Forto estu en li.

Hieraŭ, li tion diris al li. -> La tagon antaŭ lia foriro, li tion diris al li.

Li diris : "Venu tien por lerni batalarton". -> Li diris, ke li venu en lian domon por lerni batalarton.

Nerekta parolo povas esti en alispecaj subfrazoj t.e. en :

- ke-frazoj aŭ demandaj subfrazoj, plej ofte uzataj
- ĉar-frazoj,
- kvazaŭ-frazoj, kiuj montras, ke la penso aŭ impreso estas malvera, ŝajna
- i-verba frazparto, kiu rerakontas ies penson.
Majstro Yoda [Joda] diris al Anakin, ke la Forto estu en li.

Majstro Yoda [Joda] diris al Anakin, ke la Forto estu en li por tion memorigi al la junulo.

Pliaj informoj, detaloj kaj ekzemploj tie :

https://bertilow.com/pmeg/gramatiko/subfrazoj/nerekta_parolo/index.html

Ekzerco 10.1