Enkonduko: Malsamoj inter versioj

El La bona lingvo
Iri al: navigado, serĉi
Linio 24: Linio 24:
 
'''[[Pri la gramatikaj vortoj uzataj en ĉi tiu teksto]]'''<br>
 
'''[[Pri la gramatikaj vortoj uzataj en ĉi tiu teksto]]'''<br>
 
'''[[Aparta enkonduko por azianoj 0]]'''<br>
 
'''[[Aparta enkonduko por azianoj 0]]'''<br>
 +
'''[[Aparta enkonduko por afrikanoj]]''' <br>
 
'''[[Apartaj komencaj ekzercoj por azianoj 0]]'''
 
'''[[Apartaj komencaj ekzercoj por azianoj 0]]'''
 
<hr>
 
<hr>

Kiel registrite je 21:19, 27 Jun. 2022



Enkonduko

Ĉi tiu ne estas lernolibro por komencantoj sed lernolibro por komencintoj, por homoj, kiuj jam lernis Esperanton, kaj volas relerni ĝin laŭ la reguloj de la Fundamento de Esperanto.

En pluraj nun uzataj lernolibroj vi trovas klarigojn pri Esperanto kvazaŭ Esperanto estas la latina aŭ kvazaŭ Esperanto estas la angla. Tio evidente portas la verkantojn de la lernolibroj starigi regulojn bezonatajn por tia prezento.

Sed Esperanto estas nur Esperanto kaj la 16 reguloj de la Fundamento estas tute sufiĉaj.

Kompreneble al tio vi devas aldoni vian komunan prudenton, vian konon de la funkciado de via gepatra lingvo, vian senton pri logiko kaj vian senton pri la kompreneblecode tio, kion vi diras al parolanto de fremda lingvo kaj vivanto en fremda kulturo.

Tion pretervole konsilas ankaŭ la konata usona lingvisto Noam Chomsky [noam ĉomski]. En intervjuo fama inter esperantistoj piednoto 1 li diris: " So now is understood that Esperanto is not a language." = Do, nun oni komprenas, ke Esperanto ne estas lingvo. Tiu frazo estis vaste misinterpretata de esperantistoj kaj de neesperantistoj. Li volis simple diri, ke Esperanto ne estas lingvo, kiun oni lernas de la naskiĝo, kaj kies gramatikaj reguloj estas aŭtomate konataj al la parolantoj. Li pretervidis, ke en la mondo miliardoj da homoj parolas lingvojn fremdajn, kiujn ili ne lernis denaske. Ĉu ankaŭ la angla ne estas lingvo por italoj lernintaj ĝin el lernolibro?

Ĉiuokaze en alia momento de la intervjuo li ankaŭ diris: "Yeah, Esperanto has a couple of hints that people who know language can use based in their own linguistic knowledge to make language out of it." = Jes, Esperanto havas duon da sugestoj, kiujn homoj, kiuj konas lingvon povas uzi, surbaze de sia lingvo-kono por igi ĝin lingvo.

En la postaj ĉapitroj ni vidos tiun 'duo da sugestoj, kiuj fakte estas la 16 reguloj de la Fundamento. Kaj ni vidos ankaŭ LA ALIAJN konsilojn de Zamenhof troveblajn dise tra la ekzercoj de la Fundamento.

Legado de tekstoj en Esperanto donos al vi la ekzemplojn sekvindajn, kaj tiel vi povos adapti vian aŭtomatan lingvokapablon en via denaska lingvo al la lingvo-sistemo de Esperanto. Tion normale faras ĉiu lernanto de fremda lingvo.



Pri la gramatikaj vortoj uzataj en ĉi tiu teksto
Aparta enkonduko por azianoj 0
Aparta enkonduko por afrikanoj
Apartaj komencaj ekzercoj por azianoj 0



iru al la Detala enhav-tabelo

iru al la ĉapitro 1-a