Resuma tabelo pri radikoj kun ĉiuj finaĵoj
- reiru al ĉapitro 1-a
Ni konstruu nian tabelon per parto de la radikoj jam viditaj:
- abon' abonI
- aĉet' aĉetI
- afabl' afablA
- agrabl' agrablA
- alt' altA
- abat' abatO
- abel' abelO
- martel' martelO
- bicikl' biciklO
kaj du vortetoj/kunligaj vortoj
- per
- kun
1
- Se la radiko estas verba:
abonI = aboni
aĉetI = aĉeti
abonO = abonadO, la ago aboni kaj ankaŭ la konkretan aĵon: Mi havas abonon al tiu gazeto
aĉetO = aĉetadO, la ago aĉeti kaj ankaŭ la konkretan aĉetaĵon
abonA = rilata al la ago aboni: jen la abona pago = abonanta pago
aĉetA = rilata al la ago aĉeti: la aĉeta proceduro por aŭtomobilo estas malsimpla
2
- Se la radiko estas adjektiva:
afablA = afabla
agrablA = agrabla
altA = alta
afablO = afableco/afablaĵo
agrablO = agrableco/agrablaĵo
altO = alteco/altaĵo
afablI = esti afabla
agrablI = esti agrabla
altI = esti alta
3
Se la radiko estas substantiva:
- abatO = abato
- abelO = abelo
- martelO = martelo
- biciklO = biciklo
- abatA = rilata al abatO
- abelA = rilata al abelO
- martelA = rilata al martelO
- biciklA = rilata al biciklO
- abatI = esti abato, agi kiel abato, estri monaĥejon
- abelI = esti abelo, agi kiel abelo, kolekti mielon
- martelI = bati per martelo, ripete bati
- biciklI = veturi per biciklo
[esence: fari tion, kion oni kutime faras per tiu aĵo aŭ homo]
4
- perI = esti la rimedo, per kiu, io okazas: mi peras abonojn = mi ebligas al homoj aboni gazeton/per mi oni povas aboni gazeton
- kunI = esti kun: hieraŭ ni kunis en la ĉefa placo
- perA = havi la kvaliton de io, kiu utila por okazigi aferojn: mi dankas vin pro via pera agado
- kunA = havi la kavaliton de kuneco: titolo de disko: la kuna diso/ni estas kunaj sed tamen apartaj
- perO = perado
- kunO = kuneco
