La balancil-ludo de la estraro
Lo scaricabbarili der Governo Ce penzeranno lòro: ècco sti Santi Ma sti lòro chi ssò, ssi ttutti quanti Si le cariche a Rroma l’hanno tutte Sai come va a ffiní? ffinissce poi 1845 01 17 |
La balancil-ludo de la estraro (1) "Prizorgos ili!" Niaj sanktaj uloj scias nur tion: nur konsili. Sed spite tiun ĉi "Prizorgos ili", niaj aspiroj restas simplaj nuloj. Kiuj do estas "ili"? Sen skrupuloj ĉiuj nenion faras ol trankvili, dormi, manĝegi, trinki, kant-jubili. Kiuj do estas "ili"? Kalson-buloj?! (2) Se la postenoj en la papa ŝtato nur havas mallaboremuloj, nu kie ĉi "ili"? Ĉu en Kalikato? (3) Kio okazos nun? Jen opini': se tiuj ili ne prizorgos plu atendu iom kaj prizorgos ni! 1845 01 17 |
(1) Balancil-ludo estas dirmaniero por aludi al la fakto, ke petantoj en publikaj oficejoj estas sendataj de unu oficejo al alia senrezulte.
(2) Kalson-buloj egalas al testikoj. Popola esprimo por aludi en ĉi tiu okazo al neniu. Fakte la rpizorgantoj de la petoj estas neniu.
(3) Kalikato estas la tiama nomo de la barata urbo Kolkato. Ĝi simple signifas "Tre malproksima loko".